Er ég nú orðin svona gömul?

Verð að deila með ykkur litlum brandara frá því á föstudag. Þannig að stofan mín liggur að svokallaðri frístund en þar dvelja nemendur í 1.-4. bekk eftir skóla. Blessaðir ungarnir eiga það til að sækja mig heim, sérstaklega ef opið er inn til mín. Til mín komu sem sagt eftir hádegi á föstudag tveir piltar í 1. bekk, óskaplega miklar dúllur. Annar þeirra tók eftir því að á skjáborðinu í tölvunni hjá mér var mynd af mótorhjólinu mínu. Hann sagði: „Vá hvað þetta er flott mótorhjól!“ „Já, vá þetta er sko flott“ sagði hinn. Eigandi hjólsins lyftist auðvitað upp, varð montinn og sagði: „Já finnst ykkur það ekki, ég á þetta hjól“ „Nú, átt þú það“ var svarað af öðrum, „Ég vissi ekki að gamlar konur keyrðu mótorhjól“ gall við í hinum. Sá þriðji hafði bæst í hópinn og bætti við „Jú, jú amma mín hún kann sko að keyra fjórhjól og hún er gömul!“.

Þá veit ég það, ég er sko gömul kona í augum 6 ára barna

Athugasemdir

[Birna Dúadóttir, 3.11.2008 kl. 17:53]

Svakalegt að vera komin á þennan aldur

[Sigríður Jóhannsdóttir, 3.11.2008 kl. 17:56]

Já, finnst þér. Hins vegar er það huggun harmi gegn að ég gæti nú alveg verið amma sex ára barns, svona aldurslega

[Jónína Dúadóttir, 3.11.2008 kl. 21:34]

Æi... yndislegir

[Sigríður Jóhannsdóttir, 3.11.2008 kl. 21:56]

Já, þessi litlu kríli eru yndisleg, hins vegar finnst mér gömul kona hljóma svona eins og amma gamla með flétturnar, komin svona vel yfir sextugt. Ég hef voða gaman að þessu litlu heimspekingum sem gera sér erindi inn í stofuna til mín

[Jónína Dúadóttir, 4.11.2008 kl. 06:18]

Þú ert ekkert svoleiðis ömmuleg, trúðu mér

[Birna Dúadóttir, 4.11.2008 kl. 12:42]

Svo er auðvitað aldur ansi teygjanlegt hugtak

[Sigríður Jóhannsdóttir, 4.11.2008 kl. 17:31]

Æi, takk Ninna mín og Birna mín aldur er svo sannarlega teygjanlegt hugtak. Mér finnst mjög gott og yndislegt að vera ömmuleg, en verra að vera talin gömul kona

[Hóffa (IP-tala skráð) 4.11.2008 kl. 22:35]

Þú ert sko aldeilis ekki gömul, ekki fyrir fimmaura!!
En ömmuleg, það er allt annar handleggur, og hefur ekkert með aldur að gera ---Þegar mamma átti afmæli síðast þá sagði ég einum í leikskólanum (fimm ára) að hún ætti afmæli og væri 68 ára gömul. Þá sagði hann: "Sextíu og átta, vá, er hún lifandi?"

[Birna Dúadóttir, 4.11.2008 kl. 22:55]

[Guðrún Jónína Eiríksdóttir, 5.11.2008 kl. 00:00]

Auðvitað ert þú gömul, ég er eldgömul  En nei þú ert bara á besta aldri sem er 29 + Góða nótt.

[Jónína Dúadóttir, 5.11.2008 kl. 08:12]

Einu sinni kom ég í heimsókn til Billu og Edda á Símstöðina, með Stjána minn nokkurra mánaða gamlan og ég rétt nítján, þá komu til dyra tveir krakkar sem kölluðu í mömmu sína: "Mamma það er komin kona að heimsækja þig" þá fannst mér ég vera orðin svolítið gömulKrakkarnir hétu Hólmfríður og Guðni

[Sigríður Jóhannsdóttir, 5.11.2008 kl. 19:07]

Já, Dúna mín ég er sko 29+

Ninna mín, ég er hálfu ári yngri en Guðni og hálfu ári eldri en Hóffa, svo kannske hefði ég líka kallað þig konu. Erum jafngamlar í dag, svona er þetta. Mér finnst ég reyndar ekkert eldri en ég var fyrir 20 árum, skrýtið

[Jónína Dúadóttir, 5.11.2008 kl. 22:15]

Mér finnst alltaf svo furðulegt hvað börnin mín eldast svakalega, ég sem er alltaf jafn ung

[Sigríður Jóhannsdóttir, 6.11.2008 kl. 19:12]

Hóffa mín, ótrúlegt að mamma þín sé lifandi

Ninna mín, ég skil ekkert í því heldur