Er ekki kominn tími til..........

að skrifa eitthvað hérna úr því maður er með þessa síðu? Ástæða bloggleysis eru nú ekkert endilega svona miklar annir síðustu mánuði, heldur asnaðist ég til að stofna einhverja facebook síðu og fannst nóg að eyða tíma þar. Brjálað að gera við að skoða og hafa samskipti þar.

Annars er allt gott að frétta héðan úr Stafholtinu, lífið gengur sinn vanagang, nema hvað vaninn er að verða sá að sitja og gera ekki neitt, sem er í sjálfu sér ágætt líka. Er sem sagt í sumarfríi og tek því eins og það er skrifað FRÍI! en það merkir að maður eigi ekki að gera neitt, er það ekki annars? Reyndar er það ekki alveg satt, ég slæ stundum lóðina, tala við sólina sem hefur verið svo dugleg að vera hjá mér og svo gleymi ég aldrei að fá mér að borða.

Helgin síðasta var með þeim skemmtilegri, en þá fór litla fjölskyldan á ættarmót út á Grenivík. Þar kom saman skyldfólk í móðurættina mína. Sá ég að þar eru margi gullmolarnir faldir, láta ekki mikið á sér bera, fara ekki fram með látum en er allt saman hið skemmtilegasta fólk. Ættin er ekki stór, innan við 200 manns og mættu nærri allir. Myndin hér til vinstri er af öllum hópnum og þessi fyrir neðan er af legg afa og ömmu.

Athugasemdir

[Birna Dúadóttir, 9.7.2009 kl. 09:38]

Alveg kominn tími á að sjá hérna eitthvað frá þér  Spjallaðu við sólina fyrir mig, ekki er hún hér blessunin

[Sigga (IP-tala skráð) 9.7.2009 kl. 11:19]

Ég er að kæla mig inni eftir sláttinn, fer á eftir og þá skal ég skila kveðju

[Jónína Dúadóttir, 9.7.2009 kl. 11:58]

Kominn tími til að þú tjáir þig aðeins júGaman að "skjá" þig elskuleg, samt ennþá meira gaman að sjá þig...er á leiðinni í heimsókn líklega í næstu viku þá er ég í sumarfríi