Klár í jólin núna takk :o)

Ég segi eins og gömlu konurnar, ég er búin að öllu. Reyndar er ég ekki ein af þeim sem þarf að gera allt fyrir jólin, baka lítið en er þó búin að gera örfáar smákökusortir og svo er búið að taka vel til, þurrka af og skúra, þvo þvott, þurrka og strauja, ná í allt mögulegt og ómögulegt jólarusl og hengja hér og þar, skreyta jólatré, kaupa jólagjafir, pakka inn og fara með um allar jarðir.  Nú er kötturinn inni í stofu og reynir að taka utan af pökkunum eða næla sér í kúlur af trénu. Hann skilur sko ekkert í því þegar honum er bannað, horfir bara á húsmóður sína (ætti ég að segja þjóninn sinn) með spurn í augum eina og hann vildi segja: „Á ég þetta ekki?“ „Er þetta ekki hér fyrir mig?“ „Ef ekki hvað er þá verið að setja þessar freistingar fyrir mig, glampandi kúlur, slaufur og dót?“ Kettir eru sko dásamlegir og þessi svarti okkar sá allra besti. Hann fór í jólabaðið áðan, þar situr hann grafkyrr og lætur þetta vesen í þjóninum yfir sig ganga, reynir ekki að forða sér eða slást. Hér á bæ er sem sagt allt klárt, enda ekki fullt hús af smábörnum og amstrið því í minna lagi. Bara eftir að sjóða hangiketið og svo auðvitað undirbúa stórsteikurnar á aðfangadag. Ég hlakka til að njóta rólegheita á Þorláksmessu, bara fara eftir mjólk og rjóma og svoleiðis smotteríi, sitja svo við kerta- og jólaljós í hangiketsilmi. Tala nú ekki um að geta farið aðeins í bæinn án þess að vera að versla eitthvað, fara kannske á kaffihús og njóta lífsins, æði

Við renndum aðeins út á Grenivík í dag. Þangað þurfti auðvitað að fara til að hitta ættingjana svona í síðasta sinn fyrir jólin. Um jólin taka reyndar við endalausar samverustundir, en þetta er bara vani hjá okkur eftir að við fluttum í bæinn. Daginn fyrir Þollák er rennt út á Grenó. Skipst á gjöfum og kortum og óskað gleðilegra jóla. Svo um jólin hittumst við auðvitað oft til að óska hvert öðru gleðilegra jóla og eiga góðar stundir saman. Stundum hefur verið sagt að mín stórfjölskylda minni á ítalska mafíufamilíu, mikil og góð samheldni, en ég held að innan hennar leynist samt enginn krimmi, enda held ég að samlíkingin nái ekki þangað, eða ég vona ekki.

 Hafið það svo gott á Þorláksmessu elskurnar mínar! Setti nokkrar myndir hér, aðallega af kettinum í pakkaupptektinni

Athugasemdir

[Jónína Dúadóttir, 23.12.2008 kl. 06:02]

Ósvífna fólk... rétta manni með annarri hendinni en rífa af manni með hinni... æðislegur kisiÉg á ekki svona Mafíufjölskyldu, en það er ekki þar með sagt að í henni sé enginn krimmiFjöskyldan mín er yndisleg, bara allt of dreifð yfir heiminnMér sýnist allt stefna í frábæran dag hjá þér og það er akkúrat það sem ég vildi að óska þér kæra vinkona

[Jónína Dúadóttir, 23.12.2008 kl. 06:03]

Það er þarna eitt lítið að sem villtist með

[Birna Dúadóttir, 23.12.2008 kl. 07:34]

Flottur kisi Njóttu lífsins með þinni frábæru mafíufjölskyldu

[Sigríður Jóhannsdóttir, 23.12.2008 kl. 11:50]

Kisinn er flottur og fjölskyldan líka. Hún er reyndar ekki dreifð um allan heim en um allt Ísland en komum samt velflest til Grenivíkur ef ekki um jólin þá um áramót. Jólakveðja til ykkar þið þarna frábæru ekkimafíufjölskyldusystur