Seðlabankinn var það heillin, eða var það ráðherrastóll!

Ég væri alveg til í að vera Seðlabankastjóri eða forsætisráðherra. Þau störf krefjast ekki nokkurra hæfileika, bara koma af og til fram í fjölmiðlum og segja frekar pirraður/uð: „Hættið að tala, hættið að gagnrýna, ég svara þessu ekki, þetta lagast einhvern tímann“! Þvílíkar mannvitsbrekkur! Svona er landinu og Seðlabanka Íslands stjórnað. Eina ráðið sem menn virðast hafa er að bíða og sjá til þar sem þetta mun lagast. Í góðærinu stundaði Davíð þessa taktík og þá dugði hún alveg vegna þess að af sjálfu sér gekk allt vel. Og þetta mun auðvitað lagast, en hvenær? Það má alveg eins hafa kerlingu eins og mig á kennaralaunum í Seðlabanka eða ráðherrastóli eins og þessa menn sem þar eru ef þeir kunna ekki önnur ráð.

Fyrir utan þessa martröð varðandi Seðlabanka og ríkisstjórn líður mér vel. Ekkert er nú farið að bera á matarskorti á þessu heimili, allir feitir og pattaralegir ennþá. Við fitum kettina og erum að hugsa um að fá okkur kindur í skúrinn svo við drepumst nú ekki í voðanum sem framundan er.

Hafið það svo sem allra best um helgina og munið að borða vel bæði feitt ket og feitan fisk, aldrei að vita hvað fæst í Bónus á morgun. Yfir og út í bili!

Athugasemdir

[Jónína Dúadóttir, 4.10.2008 kl. 07:06]

Góðan daginn mín kæraMér líst vel á þig í ráðherra eða bankastjórastól, þú hefur miklu meiri skynsemi í öðrum litla puttanum, heldur en þessar mannvitsbrekkur eru með í heilanum... Þú ert nefnilega með báða fætur á jörðinni og í eðlilegum tengslum við raunveruleikann

[Sigríður Jóhannsdóttir, 4.10.2008 kl. 09:02]

Góðan daginn hagsýna húsmóðir.

[Birna Dúadóttir, 4.10.2008 kl. 09:36]

Þegar þú ert orðin bankastjóri og eða ráðherra,þá sæki ég um vinnu hjá þér

[Sigríður Jóhannsdóttir, 4.10.2008 kl. 10:12]

Þegar þar að kemur vantar sannarlega starfsmenn, ég rek alla sem þar eru fyrir

[Birna Dúadóttir, 4.10.2008 kl. 10:19]

[Jónína Dúadóttir, 4.10.2008 kl. 10:37]

Úbbasía, þá er nú gott að vinna ekki í banka eða hjá ríkinu

[Sigríður Jóhannsdóttir, 4.10.2008 kl. 11:21]

Held svei mér þá að þetta hljómi eins og hjá Marteini nokkrum Mosdal, bara reka alla og ríkisvæða draslið, „Bara einn banki! Ríkisbanki“! Tíhííí!

[Birna Dúadóttir, 4.10.2008 kl. 13:02]

Góð

[Jónína Dúadóttir, 4.10.2008 kl. 20:56]