Tilbreytingarleysi?

Svei mér ef ég held ég geti ekki drepist í tilbreytingarleysi. Alltaf sömu andlitin fyrir framan mig, tveir kettir og ágætur maður, get ekki sagt að ég sjái þennan í kjallaranum svo oft, þegar ég sé hann er það tilbreyting. Líður reyndar ágætlega í þessu ástandi, að minnsta kosti svo ágætlega að ég nenni ekki að gera neitt til að breyta því.  Fer mesta lagi út á smá göngu eða út í einhverja búð til að kaupa eitthvað að eta, kreppan setur hömlur á verslunarvalið, ekkert Glerártorg eða Hagkaup eða Blómaval eða Byko eða nokkuð annað en Bónus. Það er  meira að segja svo stutt í Bónus að það að fara þangað telst ekki til tilbreytinga. Ég vakti reyndar frameftir í gær, sem er tilbreyting þegar kemur að mér, var samt ekki á dansiballi eins og ein góð vinkona mín, var bara heima og horfði á sjónvarp sem er líka tilbreyting hjá mér þar sem ég sef oftast yfir því. Komst reyndar að því að stöðvarnar bjóða ekki upp á neitt skemmtilegt á laugardagskvöldum eða sunnudagsnóttum, King Kong og eitthvað þaðan af verra. Horfði samt, held ég verði að fara að púsla eins og sumir. En hvað er ég að kvarta, ég á yndislegan mann og son og tvo ketti, fyrir utan það að eiga ofan í mig og á. Hversdagurinn getur bara stundum verið tilbreytingarlaus, er það ekki?

Hafið það gott í dag elskurnar mínar og farið varlega í umferðinni

Athugasemdir

[Jónína Dúadóttir, 28.9.2008 kl. 12:20]

Þetta er sem betur fer ekki banvænt mín elskulegÞér er svooooo velkomið að droppa hingað í kaffi og spjall hvenær sem þér sýnistOg þá get ég lánað þér eitthvað af pússlunum mínum í leiðinni

[Hóffa (IP-tala skráð) 28.9.2008 kl. 12:42]

Hún lést úr tilbreytingarleysi væri öðruvísi grafskrift
En auðvitað er hversdagurinn stundum tilbreytingarlaus. Við hljótum öll að finna fyrir því en verðum að passa okkur að festast ekki í tilbreytingarleysinu.  
-Þá er að rífa sig upp á rassg..... og skella sér í nýtt áhugamál. Föndra, mála, safna frímerkjum, sund, leikfimi nú eða púsla.

[Jónína Dúadóttir, 28.9.2008 kl. 12:46]

[Sigríður Jóhannsdóttir, 28.9.2008 kl. 15:05]

Elskurnar mínar, púsl er nefnilega svona alltáriðumkring áhugamál svo kannske ég skelli mér í það. Ég get nefnilega ekki keyrt mótorhjól alltaf og svo er svo mikið mál að klæða sig á fákana að maður nennir því ekki svona fyrir stutta túra, golfið, já það er ekki gaman að spila það nema í mjög góðu veðri, þannig að ég sé ekki fram á annað en að verða að koma mér upp einhverju nýju áhugamáli. Púsl passar í það. Takk fyrir heimboðið Ninna mín, varaðu þig nú, aldrei að vita nema ég þekkist það fljótlega

[Jónína Dúadóttir, 28.9.2008 kl. 16:31]

Skelf á beinunum... eða bara alls ekkiEkki að vinna kvöldvinnu næstu viku, svo ég er mest heima eftir 3 á daginn

[Sigríður Jóhannsdóttir, 28.9.2008 kl. 16:40]

Lít á þig einhvern daginn í vikunni, er sjálf alltaf til fjögur svo það verður eftir þrjú

[Jónína Dúadóttir, 28.9.2008 kl. 22:10]

[Birna Dúadóttir, 29.9.2008 kl. 00:28]

Það er til fullt af áhugamálum heillin.Þú getur td rifið og brotið og bramlað og skemmt  tætt og... heima hjá þérÞetta er alveg að gera sig sem hobby hjá mér

[Jónína Dúadóttir, 29.9.2008 kl. 09:49]

[Sigríður Jóhannsdóttir, 29.9.2008 kl. 16:33]

Veistu Birna mín, það er einmitt það sem ég hef verið að gera bæði inni og úti síðustu ár, en nú er ég annað hvort búin í bili eða hef ekki efni á því sem eftir er, allt eftir því hvernig maður vill hafa hlutina. Þetta brot og braml hefur nebblega verið áhugamál mitt síðustu ár auk þess að moka og djöflast úti, nú er bara níktoníadóma (enginn heima, ekkert að gera, hehe)

[Birna Dúadóttir, 29.9.2008 kl. 20:21]

Er það þá ekki bara 5000 kubba púslið

[Sigríður Jóhannsdóttir, 29.9.2008 kl. 21:27]

Á Ninna ekkert minna að lána? Ekki viss um að ég ráði við 5000 kubba svona í fyrstu atrenu

[Jónína Dúadóttir, 29.9.2008 kl. 21:55]

Sigga mín, Birna er bara að gabba þig... ég á engin 5000 kubbaÉg á bara 1000 kubba púsl og þau eru ekkert mál, bara smá þolinmæði og svo aðeins meiri þolinmæði og borð sem má leggja undir það í einhverja daga

[Sigríður Jóhannsdóttir, 29.9.2008 kl. 21:59]

Ég var við það að fá kvíðakast. Lít á þig í vikunni vinkona

[Jónína Dúadóttir, 30.9.2008 kl. 06:11]

Hlakka til að sjá þig mín kæra, er bara að vinna smá kvöldvinnu á fimmtudagskvöldið... annars heima