Lífið og tilveran

5.9.2008 | 20:57

Enn...

...og aftur er komin helgi, notalegt eins og alltaf. Þessi vika hefur verið svolítið erfið. Ég haltraði fram eftir henni, fann svo til í hnénu, en það skánaði um hana miðja. Slappleiki einhvers konar tók þá við og honum fylgdi alzheimer light með ótrúlegri gleymsku og rugli, mér meira að segja datt í alvöru í hug að sá skæði sjúkdómur væri að byrja, en líklega væri ég ekkert meðvituð um það ef það er raunin, enda er ég betri núna Wink . Að öðru leyti hefur allt gengið sinn vanagang, við hjónin fengum reyndar brúðargjöf á þriðjudag. Elskulegir vinnufélagar mínir færðu okkur svona líka flotta olíulampa til að hafa á pallinum okkar fína. Ljósið af þeim er svo yndislegt í húminu að það liggur við að ég taki niður rafmagnsljósin, eldur er svo miklu rómantískari InLove . Hins vegar þarf auðvitað að vakta hann betur en rafmagnið svo það má alveg hafa þetta í bland, stundum kveikt á hvoru tveggja, stundum njóta eldanna og stundum tækninnar.

Ég á svo von á því að Sigrún og Helga, vinkonur mínar líti til mín þegar líður á kvöldið, við ætlum sko að njóta haustblíðunnar, sitja úti og spjalla Joyful . Á morgun ætlum við Valur í golf, líklega með seinustu svoleiðis ferðum þetta árið. Njótið helgarinnar elskurnar mínar, það ætla ég svo sannarlega að gera. Þar til síðar, yfir og út!

Flokkur: Bloggar | Facebook

Athugasemdir

Alsheimer light er ekki svo slæmt, ég finn stundum fyrir afbrigði af Alsheimer mediumHafðu það sem allra best um helgina mín kæra

Jónína Dúadóttir, 5.9.2008 kl. 22:57

Er aðeins hræddum að kannske hafi þetta jafnvel verið medíum og jafnvel meira, en hvað get ég svosem sagt um það. Bara njóta tilverunnar og hætt að pæla í alzheimer þetta eða hitt, alla vega orðin þokkaleg núna. Hafðu það sömuleiðist gott heillin mín!